Зөвхөн эдийн засгийн сэтгүүлчдийн “Өөрчлөгч” клубын гишүүдэд зориулсан сургалт Хэвлэлийн хүрээлэнгийн Мэдээллийн төвд 2012 оны нэгдүгээр сарын 20-д болж өнгөрлөө.

Хэвлэлийн хүрээлэн, АНУ-ын ОУХА-ын “Бизнесийг дэмжих санаачилга” төслөөс хамтран зохион байгуулсан уг сургалтыг эдийн засгийн “Өөрчлөгч” клубын гишүүн сэтгүүлчдийн бичлэгийн ур чадварыг сайжруулах зорилгоор зохион байгуулсан юм.  

Монголын сэтгүүл зүйн салбарт сэтгүүлчийн ур чадвар болон мэргэжлийн шаардлагыг хангах бүтээлүүд учир дутагдалтай байгаа юм. Иймд эдийн засгийн сэдвээр мэргэшин уран бүтээлээ нийтлэж, нэвтрүүлдэг сэтгүүлчид маань бусдаас ялгарах чадварлаг сэтгүүлчид байгаасай гэж Хэвлэлийн хүрээлэнгийн зүгээс хүссэн билээ.

Хэвлэлийн хүрээлэнгийн дэргэдэх Эдийн засгийн сэтгүүлчдийн “ӨӨРЧЛӨГЧ” клубийн гишүүдийн дунд эдийн засгийн сэтгүүлзүйн шилдэг бүтээлийн уралдаан зарлаж байна.

Уралдааны удирдамж

2011 оны 1дүгээр сарын 25                                                                     Улаанбаатар хот

Нэг. Уралдааны зорилго:

 Эдийн засгийн тулгамдсан асуудлуудыг сэтгүүл зүйн мэргэжлийн өндөр түвшинд хөндөж улмаар уг асуудалд олон нийт болон шийдвэр гаргагчдын анхаарлыг хандуулахад сэтгүүлчдийг зоригжуулан урамшуулах

Хоёр. Уралдаанд оролцох бүтээлийг “Эдийн засгийн  тогтвортой хөгжил” ерөнхий сэдвийн хүрээнд бэлтгэж дараах асуудлыг хөндсөн байна:

• Компанийн засаглал
• Уул уурхай ба дэд бүтэц
• Санхүүгийн зах зээл

Хэвлэлийн Хүрээлэнгээс Нээлттэй Нийгэм Хүрээлэнгийн санхүүжилтээр хэрэгжүүлж буй “Хэвлэл мэдээллийн шүүмжийн чадавхийг бэхжүүлэх төсөл”-ийн хүрээнд судалгааны багийнхан “Монголын зарим тогтмол хэвлэлд 2000, 2010 онд нийтлэгдсэн ОХУ, БНХАУ-ын тухай нийтлэлийн харьцуулсан судалгаа” номыг эрхлэн гаргалаа.

Монголын хойд, урд хөрш орнуудын талаар ямар мэдээллийг хэрхэн түгээж, тэдгээр мэдээллийн үзэл санаа хэрхэн өөрчлөгдөж буйг тандан судалсан шүүмжлэлт судалгааны үр дүнгээс сонирхуулахад:

Тогтмол хэвлэлүүд Орос болон Хятадыг хэрхэн дүрсэлснийг харьцуулан дүгнэхэд 2000 онд аль алиныг нь төвийг сахисан байр сууринаас мэдээлж, 2010 онд Хятадын талаар Оросыг бодвол илүү хурц шүүмжлэлт нийтлэл нэмэгдэж сөрөг өнгө аяс бүхий хэвшмэл ойлголт давамгайлав.

 “Коал Монголиа-2012” чуулга уулзалтыг ирэх хоёрдугаар сарын 9-10-нд зохион байгуулах гэж байгаа билээ. Үүнтэй  холбогдуулан  Хэвлэлийн Хүрээлэнгийн дэргэдэх эдийн засгийн сэтгүүлчдийн “Өөрчлөгч” клубын гишүүдийн хүсэлтээр сургалт зохион байгууллаа. Хэвлэлийн хүрээлэн болон уул уурхайн “GLOGEX’’ групптэй хамтран зохион байгуулсан уг сургалт Баруун дөрвөн зам дахь МҮЭСТО-д болсон юм. 

 “Нүүрс-Монголын хөгжлийн хурдасгуур” сэдэвт уг сургалтад телевиз, сонин, цахим мэдээллийн хэрэгслийн 24 сэтгүүлч оролцсон юм.

Хэвлэлийн хүрээлэнгийн Мэдээллийн төвд “Жолоочийн даатгалын тухай хууль төрийн дээрэм мөн үү?” сэдэвт дугуй ширээний ярилцлага 2012 оны нэгдүгээр сарын 06-д боллоо. Жолоочийн даатгалын тухай хуулийн талаар сэтгүүлчдэд дэлгэрэнгүй ойлголт өгөх зорилготой уг сургалт эдийн засгийн сэтгүүлчдийн “Өөрчлөгч” клубын хүрээнд зохион байгуулсан шинэ оны анхны сургалт болж байгаагаараа онцлог юм. Хэвлэлийн хүрээлэн, АНУ-ын ОУХА-н “Бизнесийг дэмжих санаачилга” төсөл, Санхүүгийн зохицуулах хороо, Монголын даатгалын холбоо болон даатгалын компаниуд зэрэг олон байгуулллага хамтарсанаараа ч олон талын, тэнцвэртэй мэдээллийг өгч чадлаа.

Хэвлэлийн Хүрээлэн сэтгүүлзүйн багш/хөтөлбөрийн зохицуулагч сонгон шалгаруулж байна.

Ажилтанд тавих шаардлага:

Сэтгүүлч мэргэжилтэй, эсвэл сэтгүүлзүйн салбарт 3-аас доошгүй жил ажилласан туршлагатай,

Англи хэлний бичгийн болон аман ярианы дундаас дээш түвшний мэдлэг, чадвартай, Сэтгүүлзүйн салбарт багшлах хүсэл, сонирхолтой

Олон улсын санхүүжүүлэгч байгууллагуудтай хамтран ажиллах чадвартай

Зохион байгуулах авъяастай, бие даан бүтээлчээр ажиллах чадвартай, няхуур нямбай

Харилцааны өндөр ур чадвартай байх.

Эрхэм сэтгүүлчид ээ.

Хэвлэлийн Хүрээлэнгийн дэргэдэх эдийн засгийн сэтгүүлчдийн “Өөрчлөгч” клубын гишүүдийг шинэчлэн бүртгэж, үнэмлэх олгож эхэлсэнтэй холбогдуулан 2012 оны эхний хагас жилд зохион байгуулах олон ажлаас тун цөөхнийг товчлон мэдээлж байна. Эдгээр нь зөвхөн үнэмлэхтэй гишүүдэд хамаарна гэдгийг болгооно уу.   

Олон улсын байгууллага, бизнесийн байгууллагууд хамтран Хэвлэлийн Хүрээлэнгийн дэргэдэх эдийн засгийн сэтгүүлчдийн “Өөрчлөгч” клубын гишүүдийн мэргэжлийн  ур чадварыг дээшлүүлэх, эдийн засгийн хөгжлийн төлөөх бүтээлийг хөхүйлэн дэмжих зорилгоор өндөр шагналын сан бүхий бүтээлийн уралдааныг зарлах гэж байна. Түрүүлсэн сэтгүүлчийн шагнал нэг сая төгрөгөөр тогтохгүй гэсэн үг.