2011-2012 оны хичээлийн жилийн нэгдүгээр улиралд орсон “Чиглүүлэх курс” болон “Практик сэтгүүлзүй анхан, ахисан шат” хичээлийн хүрээнд бичиж, хийсэн бүтээлүүдийг шалгарууллаа.
“Чиглүүлэх курс”-ийг үзсэн нэгдүгээр ангийн оюутнуудаас С.Өсөхбаяр, Пагмасүрэн, Г.Баттүшиг нарын бичсэн эсээнүүд 2011 оны 12 сарын 21-ний өдөр болсон “Нээлттэй хичээл”-ийн явцад хамгийн олон санал авлаа. “Практик сэтгүүлзүйн ахисан шатны хичээл дээр сонины төрөлд А.Цээсүрэн, М.Амаржаргал, М.Золзаяа, Э.Энхчимэг, Б.Золзаяа, телевизийн төрөлд Б.Бямба-Очир, Б.Мөрөн, С.Сумхүү, М.Золзаяа нарын бүтээл шалгарав.
Харин Практик сэтгүүлзүйн анхан шатны хичээл дээр Г.Номин, Б.Чулуунчимэг, И.Сарангэрэл, Э.Нямдулам, О.Бямбасүрэн, А.Мөнхтэмүүлэн нарын бүтээл олон санал авч манлайллаа. Эдгээр эсээ, бүтээл нь тус хичээлийн жилийн төгсгөлд дүгнэх “Шилдэг эсээ”, “Шилдэг сэтгүүлзүйн бүтээл”-ийн уралдаанд өрсөлдөх боломжтой юм. 2011-2012 оны хичээлийн жилийн хоёрдугаар улиралд “Практик сэтгүүлзүйн дунд ба ахисэн шат”-ны хичээлүүдийн хүрээнд сэтгүүлзүйн бүтээлүүд гарах ба мэргэжлийн болон ерөнхий эрмийн хоёр хичээлийн хүрээнд эсээ бичүүлэх болно. |
Хэвлэлийн хүрээлэнгийн дэргэдэх “Сэтгүүлч” коллежоос ЕБС-ийн сурагчдын хоёрдугаар улирлын амралтыг тохиолдуулан “Сургуулийн сонины агуулга, өнгө төрхийг хэрхэн сайжруулах вэ?” сэдэвт гурав хоногийн сургалтыг 2012 оны нэгдүгээр сарын 23-25-ны өдрүүдэд амжилттай зохион байгууллаа. Сургалтад ЕБС-ийн 2, 3, 4, 12, 16, 24, 28, 48, 104, “Эрдмийн-Ундраа”, “Сэтгэмж” зэрэг 11 сургуулийн багш, ажилтнууд болон өсвөрийн сурвалжлагч хүүхдүүд хамрагдсан. Оролцогчид сургуулийн сонин гаргах арга барилтай танилцаж, өөрсдийн бичсэн мэдээ, ярилцлага, эсээгээр туршилтын сонин гаргасан юм. 
Ерөнхий боловсролын сургуулиа амжилттай төгсөж, цаашид сэтгүүлч мэргэжлээр суралцахаар шийдээд буй залууст зориулсан нэг өдрийн аялал сургалт 2011 оны зургадугаар 22, 24-нд амжилттай болж өнгөрлөө. Эхний өдрийн аялал сургалтад оролцогчид UBS телевизийн үйл ажиллагаа, бүтэц зохион байгуулалттай танилцахын зэрэгцээ сэтгүүлч, хөтлөгч П.Одгэрэлтэй уулзаж, дотно яриа өрнүүлсэн юм. Тэрээр сэтгүүлч мэргэжлийг эзэмших болсон шалтгаанаа оролцогчдод ярьж, тохиолдож байсан хөгжилтэй болон сургамжтай зүйлүүдээсээ хуваалцсан. 
Сэтгүүлзүйн сургалтын чанар
